"Smells like horse in here..." Margir sáu mig örugglega nota þetta nick um helgina... Þannig er mál með vexti að tengdó (ji... alltaf dáldið skrýtið að segja þetta orð) buðu mér á bak á laugardaginn og var það einn af hápunktum helgarinnar! Vinafólk þeirra er með þeim í hesthúsi og fannst þeim alveg æðislegt að ég væri með og það endaði nú með því að mér var boðið að þjálfa hross í vetur að nafni Kópal sem þetta fólk á... auk þess að ég má nota hrossin hjá tengdó eins og ég vil! ...þannig að ég hef alveg fullt að gera í vetur og hlakka rosalega til að byrja á fullu! Hinn hápunktur helgarinnar var djammið með henni Eyrúnu minni! Eftir hestastússið fórum við mamma í Kringluna og hún splæsti á mig rauðvínsflösku, snakki og pistasíuhnetum... mamma er svo frábær :o) Ég var bara í hestafötunum, illa lyktandi og svona... og svipirnir sem ég fékk frá fólki hahaha... iss, sama er mér! Ég fór svo til Eyrúnar um kvöldið og við sátum þarna heillengi við sumbl og hnetuát... vá hvað pistasíur eru góðar! Horfðum á Doors myndina... sem er frekar súr, fatta ekki hvernig þetta getur verið fræg mynd... enda gafst ég upp á að horfa á hana þegar hún var sýnd á Stöð 1 um daginn! Jiii... ég fékk mér 2 Xider og fékk flashback dauðans síðan í Danmörku, stelpur munið þið ?! Svo rétt eftir miðnætti þegar við Eyrún vorum búnar með sitt hvora rauðvínsflöskuna fórum við í bæinn og var Ásgeir svo góður að fara með og vera driver! Við fórum í Þjóðleikhúskjallarann sem var nýtt fyrir mér, ég hef bara einu sinni farið þangað áður og það var eitthvað MH ball sem ég man voðalega takmarkað eftir, stoppaði stutt! ANYWAYS, við Eyrún dönsuðum og sungum eins og við fengjum borgað fyrir það... Að sögn Ásgeirs vorum við frekar háværar þetta kvöld en iss... það fylgir bara! Eyrún, við verðum að gera þetta fljótlega aftur!