Hey, svo var það söngkeppnin á laugardaginn... Það kom bara "Asfaltið Hné!" þarna eftir einhver fimm lög... og var LENGI! Kynnarnir voru ekki að standa sig, klúðruðu held ég öllu sem hægt var að klúðra.. m.a.s. brandaranum "Sheep River Hooks" sem þýðist lauslega Sauðárkrókur - en neinei, gaurinn bara "Já, þær eru frá Siglufirði, er þaggi?" - kannski hef ég misskilið þetta en ... mér fannst hann ekkert fyndinn! Birgitta Haukdal er að reyna að vinna sér inn áhangendur með því að mæta á allt sem sýnt er í sjónvarpi þessa dagana, nei... ég fell ekki fyrir því! Annars þekkti ég skuggalega marga sem kepptu þetta árið, og þar má nefna Sonju Lind frá Iðnsk. í Rvk, Höllu frá FVA (í miðjunni), Hildigunni og Andra frá MH og Gumma sem söng fyrir ML. Það voru ótrúlega mörg flott atriði í þessari keppni, t.d. þessi strákur frá VMA... mér fannst ótrúlega skrýtið að hann hafi ekki komist í sæti! Svo var það ein stelpa, sem tók lagið sem Jim Carrey söng í Cable Guy, og vá hvað hún var mikill töffari... hahaha alveg að flippa þarna á sviðinu!!! Og auðvitað þessi stelpa sem vann keppnina fyrir hönd MA, tók Vísur Vatnsenda-Rósu í flottri R'n'B útgáfu, en strengjasveitin sem hún var með var rammfölsk... en það er auðvitað söngurinn sem gildir!